ويجز يكشف حقيقة خلافه مع مصطفى كامل

تحدث مطرب الراب "ويجز" عن تفاصيل الخلافات بينه وبين نقيب المهن الموسيقية الفنان مصطفى كامل.

وقال ويجزخلال مداخلة هاتفية له ببرنامج "التاسعة" المذاع على شاشة تلفزيون قناة "الفضائية المصرية": "أنا حاسس إن مفيش أي زعل وهو الراجل طلع قال إن مفيش أي زعل".

وتابع: "وفعلا يعني حاسس إن الموضوع كله بتبقى بس ناس عايزة يعني تفتعل مشكلة علشان تبقى بتتفرج علينا بنتخانق مع بعض، معرفش بصراحة، بس أنا لحد دلوقتي مفيش أي مشكلة من ناحيتنا ولا أي مشكلة من ناحية النقابة”.

ويجز: هروح النقابة لما أرجع مصر

وأكد ويجز إنه على استعداد للذهاب إلى النقابة عقب عودته إلى مصر، قائلا: "أنا بقالي شهرين برة مصر وبس نرجع بالسلامة إحنا بقالنا فترة كبيرة برة، اشتغلنا في لندن وقطر، وليه ماروحش النقابة؟ إن شاء الله هنروح لما نرجع مصر".

وعلى الجانب الأخر، أحيا ويجز فعاليات ختام كأس العالم قطر 2022، بالأغنية الرسمية للفيفا “عز العرب”.

يذكر أن أغنية "عز العرب" هي من كلمات وألحان وتوزيع ويجز وتم طرحها على طريقة الفيديو كليب من إخراج المخرج المصري على العربي.