ويجز يتحدث لأول مرة عن اعتزاله : لما أحس إني ابتديت أخرف هشوف شغلانة تانية

كشف مطرب الراب الشهير ويجز عن مفاجأة حول اعتزاله الفن.

وقال ويجز خلال لقائه مع هيئة الإذاعة البريطانية BBC: "لازم تدي نفسك الاحترام والتقدير اللي تستحقه بعد ما تعمل حاجة، وأنا لا أضع نفسي تحت ضغط كتابة أغنية، ولا أنسى إني إنسان ممكن أغلط عادي، وأكافئ نفسي لما أحسن من نفسي".

وأضاف: "أنا شغال، ووقت لما أحس إني ابتديت أخرف وأعمل حاجة شكلها لا يليق بيا ولا بالناس هشوف شغلانة تانية".

واستكمل: "من دلوقتي بحاول أتعلم عايز أستثمر في إيه لما أكبر شوية، وإزاي ممكن أساعد الناس اللي بتحب تعمل مزيكا، نفسي أعمل أستوديو، وعندي خطط بعيد عن الفن".

أخر أعمال "ويجز"

يذكر أن أخر أعمال "ويجز" هي أغنية "أميرة" التي أصدرها بالتعاون مع الموزع الموسيقي أش، وحققت الأغنية نجاحًا كبيرًا، وتصدّرت تريند مواقع التواصل الاجتماعي.