سلوى خطاب تحرج ياسمين عز : بلاش أرائك اللي مش مفهومة دي

احرجت الفنانة سلوى خطاب مقدمة البرامج ياسمين عز على الهواء، بعد أن سخرت من تصريحاتها المثيرة للجدل حول الرجل والمرأة.

وتحدثت سلوى خطاب خلال حلولها ضيفة في برنامج "كلام الناس" المذاع على قناة mbc مصر، عن رأيها في العلاقة بين الرجل والمرأة، مشيرة إلى أن النجاح يأتي بتعاون الرجل مع المرأة، مضيفة: مينفعش حد فيهم يعادي التاني.

سلوى خطاب لـ ياسمين عز: بكرة نشوفك متجرجرة من شعرك

ووجهت سلوى حديثها لياسمين عز، قائلة :"كان عندي واحدة صاحبتي كدة آرائها زي آرائك في الدفاع عن المرأة وحقوقها"، لتقاطعها ياسمين: "كدة هي ضدي"، لتجيبها : "اه بس كل واحد عنده آرك متطرفة كدة، كنت أقولها أنا هستنى لما تتجوزي واشوفك في الريسبشن متجرجرة من شعرك، وحصل".

وتابعت: الزواج بالذات كل حالة مستقلة بنفسها، كل حالة منفردة ومينفعش نعمم فيها لان ممكن تحصل حاجة متتوقعهاش ، هي شركة بين اتنين، كلنا بنتعب في حياتنا، والحياة الزوجية محتاجة مجهود برضا، عشان تنجح ، من الممكن ميبانش ده في الأول لكن مع الوقت المشاكل هتنتهي.

وردت سلوى عن سؤال ماذا يمثل الراجل في حياتها ، قائلة: يمثل كل حاجة حلوة، أصل هقول إيه بعد كلامك بقي عماله تقولي الرجــال حلوين، وأجي أنا اقول عكس كلامك؟ لا الرجالة حلوين ماشاء الله وكلهم لطاف وظراف"، لتقاطعها ياسمين ضاحكة: "مقصدش ده مدخل للسؤال"، فأجابتها الضيفة: "أنا فاهمه المدخل ده، تسأليني عن رأيي في الرجاله فأنا أقول رأيي، فلا هما حلوين جدا وأنا مستنيه الجرجـرة بس ابقي كلميني وقوليلي، وجهة نظرك دي هتوديكي في داهيه إن شاء الله".

واختتمت سلوى خطاب حديثها في هذا الاتحاه، قائلة: "خليكي شوية مع الستات عشان تبقى حلوة بلاش أرائك اللي مش مفهومة دي".