حقيقة انفصال حلا شيحة عن زوجها معز مسعود

ضجت مواقع التواصل الاجتماعي على مدى الساعات الماضية بخبر أنفصال الفنانة حلا شيحة عن زوجها المنتج معز مسعود، الامر الذي تسبب بصدمة كبيرة بين المتابعين والمعجبين.

وخرجت حلا شيحة لتوضح حقيقة الأمر عبر حسابها على موقع التواصل الاجتماعي "إنستجرام" وكتبت:"لكل المتابعين و المحبين علي صفحتي و في الوطن العربي حابة اقولكم مفيش اي خبر اتكتب عن معز و عني يخص الطلاق صحيح و كلامي في البوست اللي فات كان كلام عام و لم اقصد بيه حد معين ابداً".

حلا شيحة: عيب الكلام اللي بيتقال على صفحات السوشيال ميديا

وتابعت:"و معز بعيد عن الكلام ده تماماً بالعكس هو سبب كبير لحاجات جميلة في حياتي و حياة اولادي و مشفتش كتير زي اخلاقه و احترامه و عيب الكلام اللي بيتقال على صفحات السوشيل ميديا كله مش صح ابدا ً".

وأضافت حلا:"والله في مشاكل اكبر بكتير و حاجات اهم بكتير ممكن نتكلم فيها .. و انا علي صفحتي بحب اشارك جمهوري ساعات بمعاني بحسها و بحسهم زيي و بحب اتواصل معاهم و ابقي موجودة معاهم مش اكتر من كده".

حلا شيحة ترد على انتقادات حجابها

وأوضحت:"بالنسبة لحجابي انا قلت بحاول زيي زي بنات كتييير و اكيد مش احسن حاجة بس انا كدة دلوقتي و الحمد لله".

واختتمت حديثها:"و انا مش شيخة انا انسانة عادية جداً ليا حسناتي و ليا سيئاتي و البشر كلهم كدة فبلاش حد يزايد علي حد و بدل ما نتريق او نقول كلام مش مهم نكون متصالحين مع نفسنا و نبطل نحكم علي بعض احنا بشر مش ملايكة.. يلا انا مسامحة الكل معلش بشر بردو".