انتصار تكشف لأول مرة كواليس خلافها مع شيماء سيف
قررت الفنانة انتصار كشف أسباب الخلاف بينها وبين الفنانة شيماء سيف، وذلك خلال حوارها مع الإعلامية بسمة وهبة مقدمة برنامج "العرافة"، على قناة "المحور".
وكانت شيماء سيف اتهمت انتصار بالتآمر عليها مع هيدي كرم لاستبعادها من برنامج "نفسنة" قبل سنوات خلال لقائها في برنامج "حروف" مع الإعلامي علي العلياني.
وقالت انتصار : "هي عاملة مسلسل، وبتقول عديت قدام الباب وواجهتهم وفتحت الباب، معندهاش حاجة تتكلم فيها في البرامج، وبتدور على أي حاجة تتكلم فيها، فمين مشهورة في حياتها عشان تتكلم عليها؟! انتصار".
وتابعت: "طول النهار بسمع سيرتي في البرامج، طول النهار أسمع سيرتي ومش بعلق، مش برد عليها، اتكلمنا عليها في الغرفة، كنت بنتكلم على حاجة في الشغل، كنا بنقدم البرنامج 3 مع بعض، أنا وهي وهيدي كرم، مشاكلها كتير، وعشان كده طلعنا نتكلم، بتقطع في الكلام".
واستكملت : "كنا بنتكلم على البرنامج ومشاكل الشغل العادية، إيه اللي خلى مشاكل البرنامج تطلع في البرامج، أي شغل فيه مشاكله، لكن أنا شغلانتها، وطول النهار تتكلم في سيرتي، رغم إن البرنامج بقاله 5 سنين مش بيتعمل، ده لو جريمة كانت سقطت.. شايلة مني ليه؟! هو أنا مرات أبوها".
وأوضحت :"مكناش مهتمين نوطي صوتنا مش قصدين نسمعها لكن مش مهتمين أنها متسمعش بنتكلم في الشغل مش في شخصها، وده ميزعلش حد هي كان لها أخطاء في الشغل".
انتصار في المارثون الرمضاني
وتعيش انتصار؛ حالة من النشاط الفني، إذ تشارك في رمضان بمسلسلين ، وهو مسلسل توبة مع الفنان عمرو سعد، و مسلسل أولاد عابد،مع إيهاب فهمي، صفوة، رياض الخولي، محسن محي الدين، والعمل من إخراج أكرم فريد.
