أحمد العوضي يوضح سبب تنظيمه للمسابقات: ”عهد مع الله”

كشف الفنان أحمد العوضي الدوافع وراء تنظيمه مسابقات يقدّم من خلالها مبالغ مالية كبيرة لجمهوره، وذلك خلال بث مباشر عبر صفحته الرسمية على "فيسبوك".

عهد مع الله هو سر المسابقات

وقال العوضي: "بقالي سنتين بعمل مسابقات ولسّة الناس بتسأل هو العوضي بيعمل مسابقات ليه؟ بعمل عشان ده عهد بيني وبين ربّنا إن أي رزق يجيلي أنتو تكونوا شركاء معايا فيه... واللي عايز ياخدها من منطلق الدعاية براحته، واللي متضايق يعمل زيي".

العوضي يوجه نصائح للشباب

ووجّه العوضي نصائح للشباب للحفاظ على صحتهم البدنية، مشدداً على أهمية ممارسة الرياضة بانتظام، وقال:أهم حاجة في الحياة هي الرياضة وملهاش سنّ وتقدر تبدأ في أي سنّ وأنا بلعب كل الرياضات القتالية من إعدادي عندي هوس بيها والرياضة هي اللي هتخلّيك واقف على رجليك... والرياضة دي مش هتكلّفك حاجة، لأن أصل الراجل هو القوة زي ما أصل الست الجمال، ومتاخدش هرمونات عشان متأثرش عليك لما تكبر".

و شارك العوضي جمهوره في خططه المستقبلية قائلاً:"وقريّب هفتح سنتر كبير للرياضات القتالية، وكل فترة هختار 10 من أخواتي ييجوا يتمرّنوا ببلاش لو معندهمش قدرة مادية وهيكون فيه أبطال عالم بيمرنوا في السنتر... وده كان حلم حياتي من وأنا طفل".

العوضي في رمضان 2025

من ناحية أخرى، يواصل أحمد العوضي تصوير مسلسله الرمضاني الجديد "فهد البطل"، الذي تدور أحداثه في بيئة صعيدية ويستعرض قصة كفاح بطل القصة للوصول إلى النجاح، ويشاركه البطولة عدد من النجوم، منهم: ميرنا نور الدين، نسرين أمين، وعصام السقا.