مي عمر تكشف علاقتها بحماتها: أمي التانية ولما بيبقى في مشكلة بروحلها

كشفت الفنانة مي عمرعن علاقتها بحماتها والدة زوجها المخرج محمد سامي، النائية صبورة السيد.

وقالت مي عمر خلال مداخلة هاتفية ببرنامج "آخر اليوم" من تقديم سارة نخلة عبر قناة "هي" : "علاقتي بحماتي انها امي التانية وملهاش علاقة بمحمد لاني باخد رأيها في حاجات كتير وهي بتهتم جدا بأعمالي وبتتفرج قبل الناس هي بتعرف تحتوينا كلنا ولما بيبقى في مشكلة بروحلها هي بتقف معايا أنا".

وتابعت: "في صفات مشتركة بيني وبينها زي انك تكوني كتومة متحكيش كل حاجه لأي حد لما بيبقى في مشاكل بحكي للناس القريبة مني اوي الناس اللي بتحبني بجد وبتخاف على مصلحتي بجد مش الناس اللي ليها مصالح أخرى، وانك تفكري كويس اوي قبل ماتاخدي قرارات".

والدة محمد سامي: مي عمر بنتي ومرات الغالي

ومن جانبها تحدثت والدة محمد سامي، عن مي عمر قائلة: "هي بنتي ومرات الغالي وأم الغاليين هي عندها مؤهلات كتير اوي انها تبقى أم أحلى احفاد وأحلى حفيدات هي غالية وحنونة ومؤدبة وتستاهل اللي هي فيه واكتر".

وأضافت: "بقول الله خير حافظا وبنقرأ قرآن بس ليه الناس مبتحبش تشوف اتنين بيحبوا بعض، واحنا ارتبطنا بفنانين زمان السيدة فاتن حمامة و شادية ومريم فخر الدين وكنا بنحب نشوف الرومانسيات والحب بتاعهم لكن دلوقتي بنستغرب ان احنا نشوف زوجين حلوين ودول نموذج وياريت كل راجل يبقى بيهتم بمراته وهي تهتم بجوزها ويبقوا قدوة كويسة لعمار البيوت".

أخر أعمال مي عمر

يذكر أن أخر أعمال مي عمر مشاركتها في رمضان 2024 بمسلسل "نعمة الأفوكاتو" بجانب كلا من أحمد زاهر، كمال أبورية، أروى جودة، سلوى عثمان، سامي مغاوري، لبنى ونس، عماد زيادة، هدير عبد الناصر، غادة فلفل، أحمد ماجد، ولاء الشريف، محمود غريب.