”كل اللي عمله بسبب سر أنا عارفاه”.. ريم طارق تكشف تفاصيل جديدة عن أزمتها مع حسن شاكوش

لا تزال تداعيات أزمة مغني المهرجانات حسن شاكوش و زوجته ريم طارق مستمرة، فبعد الشد والجذب بين الطرفين وتبادل الاتهامات بينها، خرجت الزوجة عن صمتها .

وكشفت ريم طارق لأول مرة خلال لقائها ببرنامج " 90 دقيقة"، عن تفاصيل صادمة عن أزمتها مع زوجها حسن شاكوش، حيث قالت: هو طلقني عشان ميتعرضش على الطب الشرعي وأختي قالتلي ابعدي عنه عشان متتلبسيش وخليه يقول كان بيحصل معاه ايه وهو نايم وكنت واقفة جمبه.

وتابعت: الموضوع بيني وبين حسن شاكوش اكبر من الخيانة، بس أخلاقيا ودينيا مش هقول ومش هقدر احكيه.

وأوضحت: كنا في نهار رمضان، كان في ممثلة مشهورة عندها مشكلة صحية تالت حرف من اسمها ر راح أكل معها في شاليه بالعين السخنة، ولما رجع البيت كتبت له وصلت يا حبيبي.. وبينهم علاقة.

وأضافت:" قعدت 30 يوم في شهر رمضان أشوف حاجات زي كده ومختلفة وفي وقت من الأوقات الفنانة دي حبت تسمعني صوتها كانوا مع بعض وقعدت تضحك.. حلال عليها".

وعن موقف الأسرتين بعد اشتعال الأزمة بينهم وصولها إلى النيابة، قالت: "أهل حسن شاكوش، طلبوا من بابا نروح نقعد على كافيه، لإنهاء إجراءات الطلاق، لكن بابا رفض وقتها وقال: أنا ليا بيت.. وزي ما أخدها من بيتي.. يجي يطلقها.. ولو بنتي غلطانة أربيها.. ورفضوا إنهاء الأزمة في البيت".

واستكملت: "عملت إثبات حالة إن حاجتي في البيت معجبش أهله ولما طلعت على السوشيال ميديا بعتلي وقالي انتي بتكتبي عالسوشيال دي لعبتي أنا هتسلى عليكي أنتي وأهلك، بدأوا ينزلوا صور لينا واتكتب عليها كلام وحش واتوصفت بإني سبوبة واللي يدفع أكتر والحقيقة إن حسن مجابليش حاجة ومصرفش عليا جنيه حتى في القايمة أمه رفضت تكتب قيمة القايمة وقالت نكتب الأوض وحسن عرض على أبويا يكتب المؤخر وصل أمانه وأبويا رفض.. كل اللي عمله حسن بسبب سر أنا اللي عارفاه ومش هقوله".

يذكر أن محمد أبو العلا، محامي حسن شاكوش، أعلن عن طلاقه من زوجته ريم طارق غيابيا وبشكل رسمي على يد مأذون، وجرى إثبات ذلك عبر مستند رسمي لدى نيابة أكتوبر.