ميمي جمال تكشف عن مشاركتها في مسرحية ”مدرسة المشاغبين”.. فيديو

كشفت الفنانة ميمي جمال عن مشاركتها في مسرحية "مدرسة المشاغبين" لمدة 15 يوما.

وقالت ميمي جمال خلال لقائها في برنامج "مساء dmc": اشتغلت مع عادل إمام كتير لكن مشتغلتش معاه مسرح إلا كان في فترة كانوا بيعملوا "مدرسة المشاغبين" وكانت سهير البابلي في دور المدرسة وجات فترة عينيها تعبت ولازم تعمل عملية في باريس فـ"سمير خفاجة" الله يرحمه المؤلف قال إحنا كده هنقف 15 يوم أو نجيب حد مكانها، وقال لحسن مصطفى جوزي نجيب ميمي فحسن قاله لأ، أنت عارف الصيع اللي موجودين سعيد وعادل ويونس بيقولوا إفيهات لو هي ضيعت إفيه لحد فيهم هيبصلولي ويقولوا مراتك.

وتابعت ميمي: هو عارف أني ممكن أقول بس ممكن أضيع إفيه لحد فقالي هتبقى مشكلة ومش عاوز يحطني في الموقف دا لكن سمير صمم وقال ميمي شاطرة وهتعمله.

وعن معنى كلمة "ضيعت الإفيه" وقالت: الممثلة اللي بتشتغل مع كوميديان لازم تفرشله الإفيه تحس أنه هيبدأ يقول تريح ومتتكلمش والإفيه ينزل في الصالة ويتسمع لو اتكلمت في النص هبوظه في طريقة وحسن كان خايف لسعيد يتجنن عليا، لكن الحمد لله اشتغلت 15 يوم بعد ما سمير خفاجة أثر عليه.

أخر أعمال ميمي جمال

يذكر أن أخر أعمال ميمي جمال مسلسل "آخر دور" وهو بطولة دينا الشربيني وأحمد خالد صالح، نهى عابدين، مها نصار، إبراهيم السمان، مريم الخشت، ثراء جبيل وبمشاركة أحمد بدير، رياض الخولي، محمد الصاوي، وإخراج حسين المنباوي.