بعد هجومها عليها .. ياسمين عز لـ مايان السيد: مش بحب قلة الأدب

ردت الإعلامية ياسمين عز على هجوم الفنانة مايان السيد الذي شنته مؤخرا عليها على هامش عرض أحدث أفلامها "هاشتاج جوزني".

وقالت ياسمين عز خلال برنامج "كلام الناس" عبر قناة "mbc مصر": "الرد 3 أنواع بالتجاهل وبقلة الأدب وبالأدب، وأنا هختار أرد بالأدب".

ياسمين عز لـ مايان: لسه بيكتبوا اسمك بالقلم الرصاص

وتابعت:" ما تكوني ممثلة مبتدئة في حياتك المهنية، ولسه بيكتبوا اسمك بالقلم الرصاص، حاولي ماتخوضيش معارك مجانية، ومتخلقيش لنفسك أعداء بدون داعي. مش ذنبي إن الصحفي ملقاش عندك تاريخ مهم أو حاجة مهمة يسألك عنها فسألك عني".

وأضافت ياسمين : يبقى اتكلمي باحترام واشتغلي على نفسك اكتر وتخلي الصحافة المرة الجاية تسالك عنك انتي مش عني أنا.

ياسمين عز: ربنا بيحبك إنك وقعتي فيا

وواصلت : وربنا بيحبك عشان وقعك فيا انتي ممكن تقعي مع حد تاني يستلمك ولما الانسان يكون مهم يسالوه عن نفسه هو.

واستطرت: أنا بمشي بمثل مين دق الباب لاقى الجواب وأحنا مش ملزمين نحب بعض بس مجبرين نحترم بعض.

مايان السيد عن ياسمين عز: مش عايزها تتشهر

وكانت مايان السيد ردت على سؤال أحد الصحفيين عن رأيها في آراء الإعلامية ياسمين عز وقالت : "لا تعليق.. مش عايزة أتكلم عن ياسمين عشان مساعدش إنها تتشهر".

أخر أعمال مايان السيد

يذكر أن أخر أعمال مايان السيد ، فيلم "هاشتاج جوزني" وشاركها البطولة أمير المصري، بيومي فؤاد، صابرين، إسلام إبراهيم، ريهام الشنواني، محمد محمود، دينا، سامي مغاوري، من تأليف محمد سمير مبروك، إخراج عصام نصار، إنتاج شركات فايبريشن ستوديوز، تنوير، ومجموعة الصور العربية، وسينرجي.