عمر كمال يكشف سر زراعة ”دقنه” .. فيديو

كشف الفنان عمر كمال عن سبب خضوعه لـ عملية تجميل زراعة شعر الذقن، وذلك من خلال مداخلة هاتفية مع الإعلامي عمرو أديب.

وقال عمر: "موضوع محرج أتكلم فيه. أنا عامل فيلم اسمه ساعة إجابة ويوم 9 هخلص تصوير مشاهدي فيه وبشارك في العمل مع نبيلة عبيد وأيتن عامر وعاملين أنا وهي أغنية حلوة جدا و كان مطلوب مني استايل معين بسبب الفيلم، وعندي شخصية بالفيلم وهظهر فيها واد روش".

وتابع: "وأنا عندي دفوه في وشي زي "كلف"، فروحت للدكتور وقولتله عايز أعمل دقن عشان شخصيتي في الفيلم فهو اقترح عليا اني اعمل دقني كله واعمل الفيلم ولو حبيته خلاص أكمل بيه ومنها عشان الفيلم ومنه لوك جديد".

وتتطرق للحديث عن موعد زواجه، قائلا: "قررت أتجوز وقريب جدا هيحصل، ولو خدت الخطوة دي هعلن عنها قدام الناس كلها، ومش عارف الناس ليه بيخوفوني جدا من الموضوع ده، ومعرفش ليه الناس بتكتب كومنتات تجرحني".

وعلى الجانب الأخر، انتهى عمر كمال من تسجيل أحدث أغنياته بعنوان "حلوين" ويشاركه الغناء فيها المطرب الشعبي عبدالباسط حمودة وهي من كلمات عمرو القاضي ومن توزيع شيبسي.