رامي جمال عن سبب اعتزال زوجته الغناء: اتفاق بيننا.. وصعب إن إحنا الاتنين نبقى مشهورين

تحدث الفنان رامي جمال عن سبب اعتزال زوجته المطربة ناريمان الغناء بعد زواجهما، وذلك خلال لقائه في برنامج سهرانين، الذي يقدمه الفنان أمير كرارة عبر شاشة قناة ON.

وقال رامي جمال:" كان في اتفاق صريح بيننا من الأول، أنا قُلتلها من حقك تغني ده قرارك، بس أنا صعب جدًا بالنسبة ليا إن إحنا الاتنين نبقى مشهورين، مين هيخلي باله على اللي في البيت".

وتابع:" وقلت لها شوفي باب القبول في الأغاني اللي نزلتيها لو نجحت هيفضل فيه معزة بيننا بس مش هينفع نكمل، ولو اختارتي إنك تبقي في بيتي عرفيني، وهي اختارت وقالتلي أنا موافقة أبقى في البيت".

وأضاف : أنا دلوقتي شايف إني ممكن أعمل لها تراك من وقت للتاني، من باب الهواية متتكتمش، لأن صعب جدًا إن ربنا يكون مدينا هدية ومش عند ناس كتير وأنا أقول مش هتستخدمها، ودايمًا باخد رأيها في الألحان.

انفصال رامي جمال عن زوجته

وكانت ناريمان أعلنت انفصالها عن رامي جمال ولكن لم يدم الأمر طويلا ، لينشر رامي فيديو وهو يقول: علاقتنا ربنا مبارك فيها والناس كلها زعلانة إننا زعلنا من بعض.

وتابع رامي جمال: بقول لـ ناريمان وبقول لكم إنها حبيبتي وعادي نزعل وننفعل ودعواتكم؛ لأني لقيت إن أبغض الحلال عند الله الطلاق وأنامبحبش أعمل حاجة بغيضة.

أخر أعمال رامي جمال

يذكر أن أخر أعمال رامي جمال ، أغنية "سيبنا بعض" التي تم طرحها عبر القناة الرسمية لشركة “نجوم ريكوردز” يوم 11 من شهر أغسطس الماضي، وهي من كلمات وألحان رامي جمال، توزيع أحمد عبد السلام.