بقالي شهر تعبانة.. بسمة وهبة تتصدر محركات البحث بسبب حالتها الصحية
تصدرت الإعلامية بسمة وهبة محركات البحث بعد إعلانها أنها ستخضع لعملية جراحية غدًا الموافق يوم الإثنين، في لندن .
وقالت بسمة وهبة، في فيديو عبر صفحتها الشخصية على موقع تبادل الصور والفيديوهات "إنستجرام": "أنا بقالى شهر تعبانة، واليوم أشعر بالتعب أكثر من أي يوم، وخاصة من الناحية النفسية، وسأجري عملية جراحية بعد يومين من الآن".
وتابعت: "تعبت نفسيًا أكثر من التعب الجسدي بسبب واقعة تعرضت لها صاحبة عمرى اللي جوزها طلقها وتجوز صاحبتها بعد طلاق صاحبتها من زوجها".
وأضافت : "صاحبتي اسمها داليا، اخص عليكي يا داليا يا لصة يا خطافة الرجالة، داليا نكرة، وصاحبتي أحسنت لداليا، وساهمت في زواجها الأول، ولكن داليا سرقت زوجها"، معقبة على تعليقات المتابعين: "مش داليا البحيري يا جماعة".
وأوضحت: "السرقة لا تتوقف على الخواتم والفلوس، ومفيش راجل بيتسرق إلا لو كان رخيص ومن غير قيمة وبيتاخد بسهولة، وداليا دي رخيصة وراحت للراجل الرخيص اللي خدها من جوزها اللى هو صاحبه".
وواصلت: : "ما يحدث نصب واحتيال تحت إطار الزواج، بيزنس، وبقول لصاحبتي أوعي تزعلي، وبقول لأي واحدة متحكيش أسرار بيتك لصاحبتك".
واختتمت حديثها موجهة رسالة لجمهورها: "ادعولى وحشتوني البرنامج وحشني ومصر وحشتني، وعارفة إن ربنا هيكرمني، وإن كل حاجة خير، وبعد العملية هرجع للساحل والمياه والهدوء، استمتعوا بالطبيعة وخلوا بالكم من بيوتكم عشان اللصوص كتروا أوي".
