مصطفى درويش يكشف تفاصيل تعرضه لـ أزمة الصحية: تهتك حاد في عضله السمانه

حرص الفنان مصطفى درويش على طمأنة الجمهور على حالته الصحية، بعد دخوله للمستشفى مساء أمس السبت.

و كتب مصطفى درويش عبر حسابه الرسمي بموقع التواصل الاجتماعي فيسبوك: “الحمد لله تهتك حاد من الدرجه الثانيه في عضله السمانه الحمد لله.. ربنا يستر ومتحتاجش تدخل جراحي بعد اسبوع”.

وتابع : “انا ٤١ سنه مريت بتجارب كتير، صعبه جدا، بس الفتره دي مريت بأسوء تجربه في حياتي بالكامل سايبه شرخ كبير جوايا، افتكر الدرس اللي اتعلمته منها عمري ما هنساه ولا هيفارق حياتي الجايه، تفكيري وشخصيتي اتغيرو بالكامل وبقيت بكره شخصيتي القديمه اللي من كام شهر كنت بحب جدعنتها وطيبتها وكرمها وتربيتها بقيت مش طايق افتكرها”.

وأضاف: “انا بكتب الكلام ده علشان كل سنه البوست ده يجي قدامي ازعل علي ٤١ سنه عيشتهم غلط بشخصيه غلط، رجاء من الاخوة الصحفيين سيبو البوست ده ليا شخصي ماتنزلهوش في مواقع لانه حاله جوايا في وقت صعب جداا بالنسبالي ارجوكم متنزلهوش سيبهولي انا بس”.

آخر أعمال مصطفى درويش

يذكر أن آخر أعمال مصطفى درويش حكاية "ويبقى الأثر" ضمن مسلسل "إلا أنا"، فكرة يسري الفخراني، وسيناريو وحوار أماني التونسي، وإخراج أحمد يسري، مع النجوم: نجلاء بدر، إيناس كامل، رانيا منصور، محمد التاجي وغيرهم.