تفاصيل أزمة إلهام شاهين و غادة إبراهيم في جنازة سمير صبري

شهدت الساعات الماضية أزمة قوية بين الفنانة إلهام شاهين و الفنانة غادة إبراهيم بسبب ماحدث في جنازة الفنان الراحل سمير صبري التي أقيمت أمس السبت في مسجد الشرطة بمدينة الشيخ زايد.

وكانت الفنانة غادة إبراهيم قامت بإساءة إلهام شاهين بوسي شلبي في جنازة سمير صبري، قائلة: “واحدة متعرفش ربنا قالوا الفنانين هيركبوا الباص وراء الجثمان أنا إسكندرانية ومعايا عربيتي بس قولت نروح كلنا سوا، أول ما جيت أركب قالت الباص اكتمل خلاص ومفيش حد يركب، إلهام بنت سعاد… إلهام شلبي، الله ينتقم منها هي وإلهام بنت عفاف”، وتقصد بـ إلهام شلبي الإعلامية بوسي شلبي، وإلهام بنت عفاف وهي الفنانة إلهام شاهين.

إلهام شاهين تعلق على الأزمة

وعلقت إلهام شاهين على الأزمة، قائلة: “لو رديت عليها يبقى بديها أهمية كبيرة جدا اللي هي نفسها فيها، أنا لا شوفتها ولا شوفت الاوتوبيس وحصل اللي حصل، طب أما أرد عليها وأتكلم هي عايزة الشهرة وأنا مش عارفة عملت كدة ليه أنا لا لية علاقة بيها ولا شوفتها هي عايزة التريند ولفت النظر حتى لو هي غلطانة”.

وتابعت: “التجاهل التام هو ده الصح، كل الناس عرفت انها كدابة كل الناس قالت اني مركب باصات وركب مع ليلى علوي، فلو كنت موجودة كان زماني مليانة كاميرات واتصورت كذا صورة، وكدة فعلا اي حمار عايز يتشهر يعمل كدة وهنبقى بنديله الشهرة اللي هو عايزها”.

يذكر أن مجلس إدارة نقابة المهن التمثيلية قرر إيقاف الفنانة غادة إبراهيم عن العمل بعد ما بدر منها من مخالفات خلال جنازة الفنان سمير صبري.