حسين أبو حجاج يعلن إعتزاله الفن رسمياً

أعلن الفنان حسين أبو حجاج، عن اعتزاله التمثيل على الهواء، نظرا لظروفه الصحية، واستثنى من قراراه مسلسل "الكبير أوي" حال تقديم جزء جديد منه.

تصريح حسين أبو حجاج عن اعتزالة للفن

وقال أبو حجاج، في حواره مع الإعلامية إنجي أنور مقدمة برنامج "مصر جديدة" على قناة "etc": "أنا مش هشتغل تاني غير مع أحمد مكي، أنا عندي ظروف صحية ومش هقدر أشتغل تاني، كل واحد بياخد نصيبه، وأنا نصيبي جه لحد كده، وأنا كده تمام، خلاص بقى، ربنا مش مقدرلي أكتر من كده، ولو مكنش عندي ظروف صحية كنت هستكمل مشوارى .

بالاضافة إلى حديثه «كان ليا حظ إني اشتغل مع الأستاذ أحمد مكي السنة دي، ومش هشتغل تاني غير مع مكي، الاستثناء هو مسلسل «الكبير أوي»، وجالي شغل في رمضان مع أكرم حسني لكن اعتذرت عنه، والفنان أحمد مكي إنسان جميل جدًا، لأنه رغم نجوميته مش عامل نفسه نجم على الناس اللي شغال معاهم، كلام أنا مشفتوش مع أي نجم اشتغلت معاه قبل كدة، إنسان متعلم وذوق جدًا».

المشوار الفنى لحسين أبو حجاج

ولد الفنان حسين أبو الحجاج في محافظة المنيا مدينة بنى مزار، يملك في الأساس ورشة لتصليح وبيع وشراء إطارات السيارات، ساعده الفنان هاني رمزي على دخول عالم الفن ليقدم سلسلة من الأدوار الصغيرة التي يتم الاعتماد فيها على بنيانه الجسدي الضخم، ومن الأفلام التي شارك بها: (صعيدي في الجامعة الأمريكية، الناظر، غبي منه فيه، زكي شان)، كما شارك في كافة أجزاء المسلسل الكوميدي (الكبير أوي)

سر الخلاف بين حسين أبو حجاج ومحمد هنيدى

كشف الفنان حسين أبو حجاج، عن موقف حزن منه للغاية من الفنان محمد هنيدي، بعد تعاونه معه في فيلم "صعيدي في الجامعة الأمريكية".

قائلاً :هقول سر أول مرة أقوله، بعد فيلم (صعيدي في الجامعة الأمريكية) عام 1998، كان هنيدي بيعمل مسرحية (طرائيعو) عام 2002، فأنا روحت سلمت عليه في العيد وقولتله أنت نسيتني وكلام من ده، قالي: شوف يا (لؤي) لو الناس نسيت (لؤي) في (صعيدي في الجامعة الأمريكية) يبقى ينفع نشتغل مع بعض تاني"

وأضاف ايضاً: "أنا لقيت المنطق بتاعه غريب يعني، المفروض لما تلاقي واحد الناس ركزت معه وحبيته تقوم تجيبه، زعلت منه جدا، لأنه قالي حاجة مش منطقية، المنطقي لما أشتغل معاه والدنيا تبقى حلوة معايا تجيبني في دور تاني".