القصة الكاملة لإهانة تامر أمين للصعايدة .. وأول تعليق للإعلامي علي الانتقادات
غضب ضد تامر أمين بعد إهانته للصعايدة
حالة من الغضب أثارها الإعلامي تامر أمين، بعد اتهامات الموجهه له باساءته لأهالي الصعيد، وذلك خلال حديثه عن أزمة المشكلة السكانية في برنامجه"أخر النهار" المذاع علي فضائية النهار، وسرعان مانتشرت مقاطع الفيديو علي مواقع التواصل الاجتماعي ليتصدر اسم الإعلامي التريند علي جوجل والسوشيال ميديا.
وبدأت الأزمة عندما تحدث تامر أمين عن مشكلة الزيادة السكانية في مصر قائلا: «يعني للأسف الشديد وأنا بقول هذا الكلام ومتزعلوش مني في الريف وفي الصعيد فيه نسبة كبيرة جدا بيخلفوا أولاد وبنات مش عشان يصرفوا عليهم ولا عشان يدخلوهم التعليم ويتعلموا ويكبروا ويتوظفوا أو يبقى عندهم فرص عمل..لا.. ده بيخلفوهم عشان العيال دي هي اللي تصرف على الأب والأم.. وفيه أسر كتير كتير قوي بيخلف الولد وأول ما الولد ده يبقى عنده 5 أو 6 سنين 7 سنين بالكتير، يقوم هوب راميه على ورشة ورشة سمكرة ..ورشة حداداة.. ورشة دوكو ..ورشة إصلاح سيارات.. يشتغل فواعلي.. يشتغل في البنا.. يشتغل في المعمار.. المهم يشتغل واللي بنسميه إعلاميا بلية.. عارفين الواد بلية.. اللي هو صبي المعلم وصبي الأسطى.. فيروح والأسطى آخر الشهر يديله 500 جنيه أو 1000 جنيه أو 700 جنيه.. ماهو واد صغير 7 سنين.. وياخد الواد الصغير الألف جنيه ويعمل إيه.. يروح يرميهم في حجر ابوه».
اساءة تامر أمين لفتيات الصعيد
واستكمل حديثه عن فتيات الصعيد قائلا « طب جاني بنت.. هغلب؟.. لا.. هدخلها المدرسة؟.. لا.. أول ما تبقى 8 أو 9 سنين أشحن تشتغل في البيوت.. وفيه أزمة في القاهرة والإسكندرية والمحافظات الكبرى في الخادمات والعاملات في المنزل.. فاشحن فالبنت لا تستمتع بطفولتها وبالبراءة بتاعتها ويطلع عنيها.. وياسلام لو ست البيت بتكهربها ولا بتلسوعها ولا بتعمل بلاوي سودا من اللي بنسمع عنها وبتشغلها 24 ساعة وبتديها آخر الشهر ألف جنيه..وتجري أخر الشهر تحطهم فين في حجر أبوها».
ومن هنا انتفض الصعايدة علي السوشيال ميديا وانتشرت الفيديوهات التي ترد على تامر أمين، كما علق الآلاف من الصعايدة على الصفحة الرسمية لقناة النهار، مطالبين بإقالة المذيع تامر أمين ومنعه من الظهور على شاشة القناة بعد إساءته لفتيات الصعيد.
أول تعليق من تامر أمين بعد الهجوم عليه
ومن جانبها ردت قناة النهار بفيديو للإعلامي تامر أمين نشرته على الصفحة الرسمية للقناة على موقع «فيس بوك» قال فيه: «أنا حبيت بس أعمل الفيديو ده بسرعة لأني لقيت حالة من حالات التضخيم والاصطياد في الماء العكر وفيه محاولة للوقيعة بيني وبين الجماهير، خصوصا حبايبنا وأخواتنا وأهالينا في الصعيد والريف، فحبيت أعمل الفيديو ده للتوضيح عشان نقطع الطريق أمام الناس اللي بتصطاد في المية العكرة.. الناس خدوا كلامي اللي بتكلم فيه عن مبادرة السيد الرئيس عبدالفتاح السيسي لوقف الزحف السكاني والتصدي للزيادة السكانية وحاولوا يصوروه على أني بهين أهالينا في الصعيد والريف».
ووجه «أمين» رسالة لقناة الجزيرة بعد اقتطاعها أجزاء من الفيديو قائلًا: «أنا بقول لقناة الجزيرة اللي نزلت هذا الكلام، هيهات الناس كويسة قوي والصعايدة والريف وأهل الريف والفلاحين عارفين مين هو تامر أمين وأنا كمان عارف أهلي وبلدي واللي جزمتهم على راسي من فوق».
