حسام حبيب يرفض تلقيب شيرين عبد الوهاب بـ”صوت مصر”: لو كده هغير جنسيتي بكرة

أثار الفنان حسام حبيب الجدل بتصريحات نارية حول علاقته بالفنانة شيرين عبد الوهاب، مؤكدًا رفضه لتلقيبها بـ"صوت مصر"، مشددًا على دوره في دعمها وعودتها القوية للساحة الفنية.

في لقائه مع برنامج "العرافة" الذي تقدمه بسمة وهبة، قال حسام:"حفلة شيرين كانت بكام وبقت بكام لما دخلت حياتها؟ أنا مكنتش بشتغل حفلات ولا كنت بعمل أغاني، أنا كنت مركز معاها، هي كانت قضيتي وطموحي، وجت لي في وقت كانت متكسرة وطلبت نتجوز".

وأضاف بحدة:"كان أجرها كام قبل 2018 وبقى كام؟ كان عندها ألبومات ملكها ولا لأ؟ أنا كان لي دور، ولو هي عايزة تنكره براحتها، لكن مش عايز الناس تفهم غلط".

حسام حبيب: "لو هي صوت مصر.. هغير جنسيتي"

وفي واحدة من أقوى تصريحاته، قال حسام:"ولو دي صوت مصر بالسلوك ده، أنا هغير جنسيتي بكرة".

وأشار إلى أن نجاح شيرين بعد 2018 كان جزءًا منه:"الفضل لله، لكن أنا كنت سبب في رجوعها بقوة.. حفلاتها زادت وأجرها ارتفع، وده مش كلامي، دي أرقام وإثباتات".