أحمد سعد يخسر جميع ساعاته وألماظاته.. ويعلق: شبكتي راحت
تعرض الفنان أحمد سعد للسرقة بمطار ميلانو، بعد حضوره حفل زفاف نجل الإعلامية بسمة وهبة في إيطاليا.
وفي التفاصيل، حكى أحمد سعد عن مسروقاته خلال لقاء مع et بالعربي، قائلا: "أنا مبحبش اتكلم في خساير لأن المكاسب من عند الله نعمة كبيرة أوي، الخساير ولا حاجة من النعم اللي ربنا ادهالي بس هي حاجات ساعات بتزعل زي أول ساعة اشتريتها في حياتي، ساعاتي كلها وألماظي هو أنا مش علي بابا، لكن كل الحاجات بتاعتي اللي أنا اشتريتها وكانت ذو قيمة مادية أو معنوية اتسرقت كلها في مطار ميلانو الشنطة بتاعتي كلها اتسرقت مني".
وأضاف: طبعا زعلت على قيمة الحاجات وعلى معناها كمان بس مزعلتش لأن لسه قدامنا كتير، أوعى الناس متحبنيش تاني اللي فات ضاع فلوسي اللي فاتت راحت أنا لسه ببتدي صفحة جديدة.
عن العقد ثمين الذي ظهر في حفل زفاف نجل بسمة وهبة: الناس قعدت تقول أحمد لابس الشبكة أهي راحت الشبكة مش هنبص لبعض، هنبص لبعض ليه ما إحنا شقيانين.
وكان أحمد سعد أعلن عودته لطليقته علياء بسيوني خلال حفلته في الساحل الشمالي ضمن احتفالات اليوم الوطني السعودي الـ94، حيث قال للجمهور في الحفل: "في يوم جميل زي ده طبعا أنا كنت متجوز من سنتين وعندي عيلين، فين بس مراتي اللي هي دلوقتي بقيت خطيبتي، إحنا اتطلقنا يعني بس قررنا قرار أنا حبيت أقوله قدامكم إن إحنا نعمل فترة خطوبة حتى العيال تحضرها بالمرة".
وتابع: "هي موجودة معانا سقفولها يا جماعة عشان إحنا بنبتدي حياة جديدة، دي رسالة لكل الناس اللي اتطلقت أو لسه هتطلق واللي هيتجوزوا يدوا نفسهم فرصة بعيد عن أي مشاكل أو أي حاجة ويبتدوا حياة جديدة مفيهاش أي حاجة وحشه ولا حلوة يبقوا مع بعض وخلاص".
أخر أعمال أحمد سعد
الجدير بالذكر أن أخر أعمال أحمد سعد أغنية كبرتوا الموضوع ليه من مسلسل ديبو، وجاءت الأغنية من كلمات منة عدلي القيعي، وألحان أحمد طارق يحيى.
