”بحافظ على طاقتي”.. مي عز الدين توضح أسباب ابتعادها عن وسائل الإعلام

تطرقت الفنانة مي عز الدين أثناء استضافتها في برنامج "صباح العربية" للحديث عن أسباب ابتعادها عن وسائل الإعلام و أسباب غيابها عن الساحة الفنية، بالإضافة إلى مشاركتها في مسرحية "زواج اصطناعي" ضمن فعاليات موسم جدة بالمملكة العربية السعودية.

وقالت مي عز الدين: الناس بتوحشني .. و الغياب طال عشان طاقة الإنسان لما بيركز في الشغل واللقاءات والسوشيال ميديا، أنا في توقيت حسيت إن ده بياخد من طاقتي، لكن ممكن أطلع واتكلم لما يبقى عندي عمل لكن في المطلق حسيت أنه كتير، بس قليت شوية حلوين.

وعن خوضها أول مسرحية في مسيرتها الفنية، قالت: يارتني جربت أعمل مسرح من بدري، ماتطرحش الفكرة علي قبل كدة، والتوقيت اللي بدأت فيه ومشواري الفني كله كان المسرح ابتدى يبقى مش موجود، بتتحولي لما بتطلعي على المسرح، وحشني صوت الناس وهي بتضحك، انك بترسم بسمة على وجه المشاهد، دا نفسيا إحساس حلو اوي

وتابعت: أنا بحب أدوار الكوميديا، وقبلت مسرحية "زواج اصطناعي" لأني حسيت أن الدور كوميدي ومهم جداً للجمهور، في وقت ممكن نلاحظ فيه أن الضحك والكوميديا بالنسبة لهم ابتدوا يبقوا مش موجودين في المسرح.

وأضافت: مؤخرًا الضحك بقى صعب، والجمهور نفسه مبقاش ميال للكوميدي، والفنان غصب عنه لما بيعمل حاجة كتير بيبقى عايز يغير، وأنا مبعرفش أمثل كذا حاجة في وقت واحد، وكونك تبقي بطلة مسلسل ويتباع باسمكِ الكلام ده عايز تركيز جدًا في الأول، لأنك داخلة منطقة جديدة عليكِ، وبصراحة أنا اتبسطت أوي في تمثيل التليفزيون.

الجدير بالذكر أن أخر أعمال مي عز الدين مسرحية "زواج اصطناعى"، ويشاركها البطولة كل من بيومي فؤاد، محمد أنور، مصطفى غريب.