رد فعل مفاجىء لـ ”محمد رمضان” اتجاه أسرة ”الشاب المصفوع”
فاجأ الفنان محمد رمضان متابعيه برد فعله اتجاه أسر الشاب الذي صفعه بالقلم على وجهه في الساحل الشمالي .
وقرر محمد رمضان الاعتذار لأسرة الشاب خلال فيديو نشره عبر حساباته بمواقع التواصل الاجتماعي، قال فيه: "لجمهور العدل الأصيل الغالي ألف شكر وربنا ما يحرمنيش منكم على وقفتكم معايا ومساندتكم وقريت وسمعت قد إيه دفعتوا عني وغلطتوا والولد الصغير".
وتابع: "الفيديو ده عشان اعترف بخطأي واعتذر لأهل الولد الصغير أن أيدي اتمديت عليه وأنا عارف أنه عيل صغير، غلط في الأول قلعته الكاب و بصيت في وشه لاقيته عيل صغير وسألته عن اسمه وسيبته ومشيت وهو اعترف بده".
وأضاف: "لما رجع غلط تاني قولت له هات يا حبيبي التليفون متمالكتش نفسي وضربته قلم بسيط، القلم البسيط ده طير له الكاب من على رأسه والنضارة اللي كان لابسها".
وواصل:" ولو هنعتبر أن الناموس اللي واقفة على خدي قلم فأنا أستاهل من الناموسة دي خمسة عشان أنا مديت أيدي على عيل صغير ودي لا رجولة ولا بطولة، ولكن أنا متمالكتش نفسي ودي الغلطة اللي أنا طالع اعتذر عنها، ولما أخدت تليفونه ومسحت الفيديو وحد قالي أكسر له التليفون عشان ميعملش كده تاني، قولتلهم طب هو غلط ذنب أبوة وأمه أية يتكلفوا موبايل جديد، قولتلهم سيبوه يروح لأهله، وكان ممكن اعمل له محضر، لإني لما سألت عرفت أنه نازل في قرية تانية "اللوتس"، ودخل "مراسي" وهو مش قاعد فيها" .
وكان انتشر فيديو لمحمد رمضان هو ينفعل على الشاب ويطلب منه أن يظهر هاتفه المحمول لكي يحذف الصورة، ليرفض الشاب إعطاءه الهاتف، فـ تطاول رمضان عليه وصفعه، ليرد له الشاب الصفعة في لحظتها .
وعلى الجانب الأخر، يواصل محمد رمضان من تصوير فيلم بعنوان أسد أسود، مع المخرج محمد دياب، ويشارك فيه عدد من النجوم منهم خالد الصاوي.
يذكر أن أخر أعمال محمد رمضان، فيلم "ع الزيرو"، وشاركه البطولة كل من نيللى كريم، جومانا مراد، شريف دسوقي، وآخرين من إخراج ماندو العدل وتأليف مدحت العدل.
