مسلم: كنت بلقح بأغنية يا أصفر على حودة بندق.. و حسين الجسمي أقوى من عمرو دياب

كشف المطرب مسلم عن رأيه في الفنان عمرو دياب، مقارنته بمطربي الأصوات الموجودة على الساحة بقوة، مثل حودة بندق وعصام صاصا.

وقال مسلم، خلال لقائه في برنامج أسرار والذي تقدمه الإعلامية أميرة بدر على شاشة قنوات النهار: أغنية يا اصفر كانت من وحي خيالي وكان فيه مشكله ساعتها معايا، وهي سبحان الله نجحت، وغنيتها لواحد كان صديقي جدًا، ودلوقتي حبيبي وبموت فيه، وهو حودة بندق.

وتابع: وهو دلوقتى اخويا، كانت مشكلة واحنا صغيرين وهو طالع من قبلي وهو محترم ومن الناس اللي شقيت ولما اتشهرنا مع بعض حصلتلنا عين بعدتنا عن بعض، فا استفزني بالكلام رحت رديت عليه بالشغل، وغنيتهاله، واتحسدنا لأننا نجحنا مع بعض كتير زي اغنية خطر جايبة 140 مليون وعاملين البوم مكسر مصر.

وعن وجود منافسة بينه وبين حودة بندق وعصام صاصا، رد: "عصام صاصا وحودة بندق كل واحد ناجح في مجاله، لكن شايف نفسي في منطقة ثانية لوحدي، ومش شايف منافس فيها".

مسلم: حسين الجسمي أقوى من عمرو دياب فنيا

وأوضح مسلم رأيه في الهضبة، قائلا : فيه أعلى من عمرو دياب، وحسين الجسمي أعلى واحد في العالم ليا، وعمرو دياب 40 سنة على القمة عشان تقيل ومختفي دايمًا، نفسي اتميز زي سعد لمجرد، لأنه سكتي، وعمرو دياب مش محتاج حد يقلده لان صوته عادي، ومش قوي صوتياً، لكن تسمعه تحبه، اما أنا الاتنين، لو ربنا كرمني ووقفت قدامه هنشوف الحتة دي، لان هيبقى رأي الناس، وأنا 23 سنة وعامل كده ما بالك لو 30 سنة هوصل لفين.