هادي الباجوري يكشف سبب انفصاله عن ياسمين رئيس.. فيديو

كشف المخرج هادي الباجوري السبب وراء انفصاله عن الفنانة ياسمين رئيس، وذلك خلال لقائه في برنامج "حبر سري" الذي تقدمه أسما إبراهيم عبر قناة "القاهرة والناس".

قال هادي الباجوري: "سبب طلاقي من ياسمين رئيس مش بسبب تصريحي على الغيرة، التصريح ده كان في انترفيو وكان الكلام على أن لو في أدوار معينة ممثلة لازم تعملها عشان أنا كنت وقتها عامل فيلم (قمر 14) وكان فيه بوس لشيرين رضا وخالد النبوي، وقالوا لو ده اتطلب من ياسمين وهي كانت مراتي ساعتها هل هتوافق على كده؟، وكان ردي عايزني أبقى منافق يعني مينفعش ابقى موافق إن ممثلة تانية تعمل ده ومش موافق على دي عشان هي مراتي".

وأضاف: أيوة هي لو موجودة في فيلم زي ده ومشهد زي ده هخليها تعمل ده، مش هقدر أقولها لأ عشان هبقى منافق والموضوع مكانش ليه أي علاقة بالغيرة هو ليه علاقة أني راجل مؤمن باللي أنا بعمله وبقدمه بشكل واضح وصريح.

أخر أعمال هادي الباجوري

يذكر أن أخر أعمال هادي الباجوري مسلسل "سفاح الجيزة" وهو بطولة أحمد فهمي، ركين سعد، باسم سمرة، صلاح عبد الله، داليا شوقي، جيهان الشماشرجي، هايدي خالد، سيناريو وحوار إنجي أبو السعود وعماد مطر.