بيشبهوني بجورجينا عشان نفس اللون و مش كل الناس تقدر تكلمني.. أبرز تصريحات ياسمين صبري مع عمرو أديب

تصدر اسم الفنانة ياسمين صبري تريند محرك البحث «جوجل» بعدما حلت ضيفة مع الاعلامى عمرو أديب ببرنامج «الحكاية» المذاع على قناة MBC مصر.

وكشفت ياسمين صبري العديد حول حياتها الشخصية والفنية، وأيضا وجهت عدد من النصائح للجمهور.

ونستعرض لكم في السطور التالية أبرز تصريحات ياسمين صبري مع الاعلامى عمرو أديب وجاءت أبرز تصريحاتها كالتالى:

- ربنا أنعم عليا بشكلي فبقيت واجهة ومش بصرف ولا جنيه.

- أما بكون قاعدة مع ست وجوزها يجي بقوم أمشي عشان تبقى مرتاحة الا لو هي أصرت.

- الانتقام تضييع وقت ومعناه اني مهتمة انا مهتمة بنفسي فقط.

- كيم كارداشيان هي اللي بتحط مقاييس الجمال.. وفيه براند هتتعمل باسمي.

- انا محافظة وبنت بلد وعمري ما افكر اروح سهرات ليلية أو حفلات.

- أنا بحب نفسي جدا وأي حد بيشوفني لازم يحبني عشان انا اتحب مش بس عشان أنا جميلة أنا اتحب ومش كل الناس بتقدر تيجي تكلمني.

- الانسان بيطور من نفسه من جوة ومن برة وده اللي المفروض يحصل الواحد اما يثبت على حاله ده غلط.

- أنا بشتغل على نفسي كل يوم وبفضل ربنا شغلي كله سفر وشخصيتي مرنة.

- أنا بحب الجمال وللست بتحب الشياكة والجمال والشكل الحلو.. والست طماعة.

- بيقولوا إني شبه جورجينا يمكن عشان نفس اللون.. بس العرب بيحبوا الأجانب.

- مش بحب أصدر التعب والمجهود وبقعد ١٨ ساعة تصوير، بس انا مش بحب الشماعات ولا اني اعمل دور الضحية وانا اللي بصنع الحظ بفضل ربنا.

- لو وقفت رياضة جسمي يوجعني والحديد بيخلي الست شبه الحصان.

- بمارس اليوجا لمدة 70 دقيقة وكارديو ووزن لمدة ساعة ونص في اليوم.

- الناس مشكلتها أنهم بيهملوا نفسهم وبيشتكوا من سوء حال الدنيا وسوء الحظ.. والبنى أدم عبارة عن براند ماشي على الأرض.