فنون السبت، 15 يوليو 2023 10:29 صـ بتوقيت القاهرة

محمد هنيدي: وفاة علاء ولي الدين أثرت عليا بشكل نفسي لمدة شهور

كشف الفنان محمد هنيدي عن حزنه الشديدة واشتياقه لصديقه الفنان الكبير علاء ولي الدين.

وقال هنيدي خلال الجزء الثاني من لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": وفاة علاء ولي الدين كانت صدمة بكل المقاييس أثرت عليا بشكل نفسي أول ٣ شهور كنت في حالة كده حتى مبكيتش .. بعد كده بقى مشيت عارفة اللي ماشي في شارع فاضي .. طول الوقت كنا انت فين أنا كذه مع بقيت صحابنا لكن الوقت معظمه أنا و هو .

وتابع هنيدي: فجأة وأنا رايح المسرح أحضر التليفون علشان أكلمه عارفة العادات اللي عيشنا عليها كتير مراحتش بسرعة لكن أمر الله .. الحمد لله .. الله يرحمه.

وأضاف: "أوقات كتيرة بحس إني مفتقد علاء ولي الدين في حياتي وبالتحديد السنة الأولى من وفاته، ولو ما كانش عندي شغل في الفترة دي كنت اتجننت، بس فيه حاجة تانية تبرد قلبي لما يموت في وقفة عرفة وكل الحجيج اللي يعرفوا ويترحموا عليه وسنين العمر عدت وسيرته حاضرة والناس بتدعي له".

وأكمل: "أنا وعلاء ولي الدين ما كناش أصحاب في الوسط الفني دخلنا بيوت بعض وعارفين عائلات بعض وفيه عمر وعشرة واكتشفنا إن فيه حاجات كتير موترة المجتمع ما كناش بنركز فيها كنا بس عايزين نبني مستقبلنا وننجح".

وعلى الجانب الأخر، ينتظر محمد هنيدي طرح أحدث أفلامه "مرعي البريمو" يوم 2 أغسطس، و يشارك في بطولته عدد كبير من نجوم الفن ومنهم: غادة عادل، محمد محمود، أحمد بدير، علاء مرسي، مصطفى أبو سريع، نانسي صلاح، والفيلم من تأليف إيهاب بليبل وتحت قيادة المخرج سعيد حامد.