أحمد سعد يرد على سخرية سمية الخشاب من ملابسه الشفافة:”تقول اللي هي عايزاه”

رد الفنان أحمد سعد عن الانتقادات التي طالته في الفترة الأخيرة بسبب القميص الشفاف، الذي ارتداه خلال حفله الغنائي الأخير في جدة، وذلك خلال هامش حفل توزيع جوائز ميدل إيست ميوزك أورد MEMA.

وقال أحمد سعد : شكر كل الناس اللي هاجمتني، لأنهم شايفين إني فرد من أسرتهم وواحد منهم ومارضيوش عليا كده إني ألبس حاجة وحشة، حسيت إني جوا كل بيت وجوا كل أسرة، مش هظهر كده تاني، ولو في حاجة شبك هخيطها أنا على إيدي.

وتابع: الناس شايفني في حتة تانية وجوا بيوتهم وأسرتهم، ياما ناس لبست كده ولبست حاجات تانية، ولكن أنا فعلًا مش الناس اللي بتصر على الحاجات الغلط، وبطلع أقول أنا غلط طالما معجبهمش.

واتجه حديثه عن سخرية سمية الخشاب منه، حيث قال: سمية الخشاب تقول اللي هي عايزاه، وكل واحد يقول اللي هو عايزه وهما كلهم جمهوري وكلهم ناس عايزين مصلحتي، وإنها ترقص على أغنيتي أكيد هي بتحب تشجعني دايمًا وأكيد بتحبلي الخير وإني أكون ناجح، وأكيد الناس مش عايزة تصطاد ليا الأخطاء، كلهم عايزنّي أبقى أحسن وبقيت بالفعل.

وعلى الجانب الأخر، انتهى أحمد سعد، من تصوير أجدد أعماله الغنائية الفلوس، الذي من المقرر طرحها قريبًا عبر جميع المنصات.