نيللي كريم تتحدث عن شخصيتها في مسلسل ليه لأ 3: بضحي عشان سعادة ولادها

كشفت الفنانة نيللي كريم عن شخصيتها في الجزء الثالث من مسلسل "ليه لأ"، الذي ينتظر عرضه العديد من الجمهور، وذلك على منصة شاهد .

وقالت نيللي كريم: "بلعب شخصية شيري أم لطفلين، وبنشوف إيه المشاكل اللي بتحصل لها في فترة زمنية معينة".

وتابعت: "و شيري شخصية موجودة في وسطنا وحقيقية جدًا وموجودة وسط أصحابي وأصحاب صحابي، شخصية بنشوفها كتير، وأزمة المسلسل أنها بضحي بحاجات كتير عشان سعادة ولادها".

وأضافت: "الابن بيفتكر نفسه راجل البيت، والام بتحاول ترضيه بكل الأشكال لحد ما بتيجي لحظة بتقف فيها وبتحاول محدش فيها يجي على أولادها، فدي نقطة التحول بتاعت المسلسل".

واختتمت:"راجل البيت كلمة كبيرة في الزمن دي، وحاليًا الست هي راجل البيت، هي اللي بتشيل البيت والأولاد خصوصًا لو فيه حالات طلاق بنسبة 99 في المئة الأبهات لا بيدفعوا الفلوس اللي عليهم ولو دفعوا بيدفعوا مبلغ ضئيل جدًا فالست هي رجل البيت حالياً".

ومن المقرر أن تبدأ منصة شاهد عرض الموسم الثالث والحلقات الجديدة من مسلسل ”ليه لأ” يوم 22 يونيو الجاري.

يذكرأن مسلسل "ليه لأ 3" من بطولة نيللي كريم، صلاح عبد الله، عايدة رياض، أحمد طارق، معتز هشام، تأليف مريم نعوم "ورشة سرد" وإخراج نادين خان.