نزار الفارس لـ حورية فرغلي: بتتنمري عليا و أنتي بقالك سنين بتعاني منه

رد الإعلامي العراقي نزار الفارس على اتهام الفنانة حورية فرغلي بتصويرها بكاميرا مخفية بعد إنتهاء لقائه معاها.

وقال نزار الفارس في فيديو نشره عبر خاصية القصص المصورة بحسابه الرسمي بموقع التواصل الاجتماعي "إنستجرام": "مصورتهاش بكاميرا مستخبية زي ما قالت كان في 3 كاميرات تليفزيون بتصور والبرومو هينزل وهتشوفوا واحنا بنرقص وفي 3 كاميرات بتصورنا".

نزار الفارس: لو عايز أطلع تريند كنت طلعت في كل القنوات المصرية

وتابع: "في اللقاء قالت لي محدش بيتجوزني أنا كبرت وعاملة تجميل قولتلها أنا بتجوزك عراقي توافقي؟ قالت أيوة.. لو كنت عايز أطلع تريند كنت طلعت في كل القنوات المصرية لأنهم طلبوني، لكن هي اللي بتصرح في كل حتة".

واختتم " انتي سنين بتعاني من التنمر وبتتنمري على طولي وأنا اطول منك، تتنمر من عانت من التنمر لسنوات".

حورية فرغلي تكشف تفاصيل لقائها مع نزار الفارس

وكانت حورية فرغلي، كشفت عن تفاصيل لقائها مع نزار الفارس في مداخلة مع الإعلامي سيد علي ببرنامج "حضرة المواطن" عبر قناة الحدث اليوم، حيث قالت : "لما بدأ اللقاء سألني أسئلة الناس زهقت منها وعرفت قصتي، وابتدى يسأل أسئلة غريبة زي ليه عملت مشهد فيلم خالد يوسف كلمني شكرا، وأنا مقلعتش هدومي في المشهد دا كان إيحاء".

و أضافت: "بدأ يدخل في موضوع إنت مرتبطة، وليه مش متجوزة، وفي آخر الحلقة سألني بتحبي المطرب العراقي ماجد المهندس، وسمعني أغنيته من موبايله، ومدلي إيده علشان أرقص معاه".

وأكدت حورية خلال المدخلة، أنها لم تكن على علم بتصوير رقصتها مع نزار الفارس، موضحه: "الناس كانت بتشيل الأجهزة، وكنت فاهمة إن التصوير خلص، لكن هو عمل لعبة ولو تلاحظ صورني بكامير مستخبية بعيد".