لأول مرة.. تامر حبيب يرد على تصريحات إيناس الدغيدي حول ميوله الجنسية

حل السيناريست تامر حبيب مع الإعلامية سما إبراهيم ورد على تصريحات المخرجة إيناس الدغيدي التي شككت في ميوله الجنسية.

وتستعرض جريدة "الأموال" أبرز تصريحات السيناريست تامر حبيب..

وقال تامر حبيب: "إيناس الدغيدي، أحبها جدا على المستوى الفني والشخصي، هي صديقتي، والتصريحات التي قالتها تم تغييرها في المونتاج"، حسب تصريحاته في برنامج "حبر سري" الذي تقدمه أسما ابراهيم عبر شاشة "القاهرة والناس".

وتابع: أنا معنديش حاجة اتكسف منها، أنا متأكد أن تصريحاتها كانت ردا على كلام قيل خلال الندوة، لكن ده مش رأيها الشخصي، طلع كلام إني خدت موقف عدائي من إيناس بعد التصريحات دي، لكن بالعكس اتقابلنا بعدها، واتكلمنا وشرحت لي هي قالت كده ليه، بعد الموضوع ده قابلت ناس وقفوا بجانبي، وشكرا إن الموقف ده حصل علشان يظهر كم الحب ده لي.

حبيب عن رأيه في الزواج:

وعن رأيه في الزواج وسبب عدم زواجه حتى الأن ، قال: الزواج مؤسسة إجتماعية فاشلة وعامل زي حادثة القطر.

وعن المساكنه ، أوضح : موضوع المساكنة موجود في المجتمع ومش بحب دفن راس النعام ولازم نقف في وش المدفع، ومش بعمل حساب للكلام اللي على السوشيال ميديا وطظ في الناس.

و تحدث حبيب عن سبب المنشور الخاص بيه أنه لا يصوم ، وقال: البوست بتاع إني مش بصوم بسبب الست الميسيحة اللي راحت تأكل في محل كشري في رمضان واطردت، ونزلت الشارع وولعت سيجارة عشان الست اللي راحت تعاطفًا مع الست.

تامر حبيب يكشف تفاصيل أول لقاء بينه وبين منة شلبي بعد أزمتها

واتجه الحديث عن أزمة منة شلبي الأخيرة، قائلا: من أسود الأيام اللي مرت عليا وكنت قاعد هموت وروحتلها البيت ويومها عرفت قد إيه أنا بحبها وختها في حضني وكان كل همي تنسى أي زعل.

وأضاف: الناس كان بتحكم على منة شلبي والضغط عليها جه من السوشيال ورد فعلهم عليها كأنهم أبو العريف ونازين معاها من الطيارة.