نبيلة عبيد : نفسي أشتغل تاني وأقف قدام الكاميرا

عبرت الفنانة نبيلة عبيد عن حزنها لعدم تلقيها أي عروض للمشاركة في الأعمال الفنية.

وقالت نبيلة عبيد في ندوة خاصة أُقيمت ضمن فعاليات الدورة السابعة لمهرجان أسوان لأفلام المرأة: أنا نفسي أشتغل تاني وأقف قدام الكاميرا، لكن دلوقت مفيش منتجين بيتواصلوا معايا.

وتابعت: يعني أنا بشوف الفنانات الشباب وهم بيمثلوا بس هل هم مالهومش ماما، أو طنط، أنا وجيلي معظمنا مش بيشتغل دلوقت مع إن أماكنا موجودة وفاضية في المسلسلات أو الأفلام، مش عارفة إيه السبب إن مش بيتعرض عليا أدوار خاصةً إني لسه معتزلتش الشغل، خاصةً إني ضحيت بكل حاجة من أجل الفن؟!.

وعن أخر أعمالها الفنية، قالت: كان مسلسل سُكر زيادة، وهو كان تجربة كويسة، ولكن المشكلة أن المسلسل حصل فيه تغييرات كتير في السيناريو وحجم الدور، وتحول لمسلسل كوميدي بالكامل، وذلك لم يكن الاتفاق الأول.

يذكر أن مسلسل سُكر زيادة بطولة: نادية الجندي، نبيلة عبيد، سميحة أيوب، أميرة هاني، هنادي مهنا، بيومي فؤاد، مصطفى أبو سريع، وعدد من ضيوف الشرف، ومن إخراج وائل إحسان.