في سن الـ 16.. إنجي المقدم تكشف تفاصيل تعرضها للتحرش (فيديو)

كشفت الفنانة إنجي المقدم تفاصيل لأول مرة عن حياتها الشخصية، مشيرة إلى أنها تعرضت للتحرش في سن الـ 16.

وقالت إنجي المقدم خلال استضافتها في برنامج حبر سري : روحت لدكتور نفسي قبل كده وده مفيهاش اي حاجه تكسف والمرض النفسي زيه زي اي تعب وبسبب تعب نفسي ممكن يجيلك أمراض، وأنا بحب افهم نفسي واشتغل على نفسي ولو عندي مشكله أو عقدة افهمها واتعامل معاها.

وتابعت إنجي المقدم: روحت لكذا دكتور عشان كنت بمر بفترة صعبة وتايهة ومحبطة وحاسه ان عندي مشكله ومش عارفه ايه هي وكنت محتاجه حد يساعدني وكنت حابه تطوير نفسي ومبقاش حاسه نفسي مزنوقة جوا حالي.

وعن تعرضها للتحرش في سن صغير ومعاناتها مع هذه الأزمة النفسية ، قالت: تجربة التحرش في 16 سنة أثرت جوايا وعندنا حاجات في العقل الباطن وبتتخزن وبنعمل نفسنا مش واخدين بالنا بس بتطلع في أوقات وتتصرفي تصرفات غريبة.

وأوضحت : ده إثر عليا بس أنا بشتغل على ده وبتصالح مع نفسي عشان اقدر اعيش.

وتابعت: قولت لأهلي لما حصلي تحرش وكانت صدمة كبيرة بس أهلي كانوا في ضهري بس الشغل على الأثر النفسي مشتغلناش عليه بس اهلنا مكنش عندهم الوعي.

واختتمت: كان في موقف من أهلي بس الموقف عدى ومفيش حد اشتغل على الأثر النفسي ومؤخرا بتعامل معاه.