قبل 40 عاماً.. ريهام عبد الغفور تروي للمرة الأولى تفاصيل تعرضها للتحرش

كشفت الفنانة ريهام عبد الغفور، عن تعرضها للتحرش عندما كانت في سن السادسة من عمرها.

وقالت ريهام عبد الغفور خلال لقائها مع برنامج ABtalks مع أنس بوخش: في بعض الحاجات اللي حصلت لي وأنا صغيرة متخططتهاش غير وانا كبيرة و محدش يعرف عنها حاجة ، يمكن زوجي الشخص الوحيد اللي عرفها مؤخراً و دلوقت قررت اتكلم عنها هنا .

وتابعت: وأنا صغيرة تعرضت لنوعاً ما من حد مكنش متوقع خالص يعني هقولك ( تحرش وكده ) حاجة في الإتجاه ده، بس هي كانت حاجة صادمة بالنسبالي لأنه كان قد جدي مش هقولك قد أبويا .. و كان بالنسبة لأهلي حد موثوق فيه !

وأضافت: أنا مقدرتش اتخطى الموضوع ده غير السنة دي لما حكيت لزوجي و لصديقتي المقربة، و بتكلم فيها دلوقت لسبب ، فكرة انك حقيقي حقيقي تثق في حد مع عيالك دي المفروض التوقعات فيها تبقى صفر

واستكملت: أنا كأم معنديش اي ثقة في أي حد لما يكون الأمر ليه علاقة بأولادي ( ما عدا أبويا - أمي - اخواتي) بس أي معارف أو صداقات لأ مبثقش في حد .

وعن سؤال كم كان عمرك عن حدوث وقعة التحرش، قالت: 6 أو 7 سنين ، البايخ في الموضوع إنه أنا تعرفت على إحساس الشماته وأنا في السن ده ... بمعنى إنه أنا لما اتقال إن الشخص ده توفـ.ـى أنا فرحت .. مش الطبيعي أن طفل في السن ده يفرح إنه حد يمـوت ، كانت أول و آخر مرة في حياتي أحس بيعني ايه شمـ.ـاته دي

وواصلت: المرة الوحيدة اللي حسيت فيها إنه ( أخيراً!) لأنه هو كان شخص غليظ كبير أذاني وأنا كنت جـبانة أكتر من إني أحكي الموضوع .

اختتمت حديثها في هذا السياق قائلة:" لما كنت بشوفوه كنت بستخبى تحت السفرة من كتر ما أنا مش لقياله حل ومش عارفة أقول اللي حصل .. بس فأنا زعلانة اني كطفلة عرفت الإحساس ده إحساس الشما.تة ، بس الحمد لله أنا كويسة دلوقتي ".

أعمال ريهام عبد الغفور

وعلى الجانب الأخر، تنتظر ريهام عبد العفور عرض مسلسل "الغرفة 207" ويشاركها البطولة محمد فراج، علي الطيب، ناردين فرج، مراد مكرم وغيرهم نخبة من النجوم، و المسلسل سيناريو وحوار تامر إبراهيم ومن إخراج تامر عشري.

يذكر أن أخر أعمال ريهام عبد الغفور، "منعطف خطر" وهو إنتاج مجموعة كاريزما للإعلام، تأليف محمد المصري، وإخراج السدير مسعود، ويشارك في بطولته باسل خياط، سلمى أبو ضيف، ريهام عبد الغفور، باسم سمرة، محمد علاء، آدم الشرقاوي، تامر نبيل، وحمزة العلي، وكريم محجوب.