بدرية طلبة تثير الجدل بمنشور اختطاف ابنة شقيقها

آثارت الفنانة بدرية طلية الجدل بعد منشورها عبر موقع التواصل الاجتماعي فيسبوك وفيه أعلنت محاولة اختطاف ابنة شقيقها بشكة دبوس.

ونشرت بدرية طلبة صورة يد ابنة شقيقها التي يظهر بها شكة، وعلقت كاتبه: "والله ما كنت بصدق ومكانش بييجي على بالي أبدًا إن دي حقيقة لكن حصلت لحد مني.. اللي اتشكت دي بنت أخويا، وربنا ستر ورجعت بيتها بالسلامة، أمانة خدوا بالكم من بناتكم، لأن واضح إن البنات الكبار هما السن المستهدف".

وتابعت : "شيروا الكلام ده على قد ما تقدروا علشان نوعي الناس، ده مش بوست منقول، دي صفحتي أنا بدرية طلبة ودي بنت أخويا".

بدرية تحذف منشور الاختطاف

وبعد ساعات قليلة، حذفت بدرية طلبة، المنشور الخاص باختطاف ابنة شقيقها، وكتبت منشور جديد جاء فيه: "اعتبروني منزلتش حاجة طالما حتقعدوا تكدبّوا وتناقشوا، أنا بوعيكم مش أكتر لأن حصل معانا فعلًا".

وأضافت:"مقولتش تخدير كلي زي ما بتقولوا، والبوست كان واضح واللي بيدخل على الخاص عايز التفاصيل، أنا مش فاضية أقعد أشرح لكل واحد مش مصدق، براحة راحتك والغريبة بقى اللي يقولك ترند!، ترند إيه يا أبو ترند، هو أي هبد وأي كلام".

آخر أعمال بدرية طلبة

يذكر أن آخر أعمال بدرية طلبة فيلم "تماسيح النيل"، ويشارك في بطولته: ويزو، محمد جمعة، سليمان عيد، بدرية طلبة، وسوزان نجم الدين وغيرهم، ومن تأليف لؤي السيد وإخراج سامح عبدالعزيز.