التفاصيل الكاملة لانتحار بسنت ضحية الابتزاز.. والدها يكشف عن رسالتها الأخيرة

تصدر اسم بسنت خالد شوقي فتاة محافظة الغربية، "تريند" محركات البحث في مصر بعد انتحارها من خلال تناول حبة الغلال السامة بسبب تعرضها للابتزاز الالكتروني والتنمر.

وتفاعل عدد كبير من رواد التواصل الاجتماعي في مصر مع قضية فتاة الغربية وقاموا بنشر هاشتاج للمطالبة بحق بسنت خالد شلبي.

وخرج والد بسنت ليكشف عن تفاصيل الواقعة من خلال مداخلة هاتفية ببرنامج ” كلمة أخيرة ” الذي تقدمه الاعلامية لميس الحديدي على شاشة " ON"، قائلا: " أن ابنته الراحلة متفوقة دراسياً وحفظت كتاب الله وهي في الصف الخامس الابتدائي وحصلت على جوائز على ذلك، وبنتي متربية أحسن تربية وكل البلد بتحبها عشان أخلاقها".

وتابع:" في يوم الأيام كان راجعة من الدرس وشكلها متغير لونها متغير والدموع في عينيها كنت ساعتها عرفت الموضوع من الانترنت واستنيتها في البيت وسألتها في اية قالتلي مفيش حاجة”.

واستكمل:"قلتلها في صور ليكي على الانترنت قالتلي مش صوري ومفبركة؛ وفي فيديو لجسم من غير وش وجسم سمين عن بنتي أنا عارف بنتي وعارف أخلاقها كويس وأنا مزعقتلهاش وأنا مسكت نفسي بالعافية لما الواحد شاف صور كدة ويتقال أنها صور بنتك".

وأضاف:"قلت لبنتي الأول وهديتها ورحت أصلي قالوا تعالى البيت البنت مغمى عليها وإحنا في طريقنا لمستشفى الجامعة حاولت تقلي ياباا أنت مصدقني أن الصورة مش بتاعتي وأني متربية أحسن تربية وقلتلها ياحبيبتي أنا عارف أن مش إنتي حيث أن الصور سحبت من هاتفها المحمول وتم فبركتها مقابل موعد غرامي".

وتابع:"في مدرس بتاخد عنده درس قالها كويس يا بسنت أنتي بقيتي مشهورة عالميا زي تريند شيماء والبنت روحت منهارة من الدرس".

واختتم: "الجواب كتبته قبل ما تاخد الحباية وقالتي أسامي الولاد اللي عملوا كدة واحنا رايحين على مستشفى الجامعة وتاني يوم فاقت شوية كدة وبعدين تعب ونقلناها مستشفى خاصة وتوفت بعد وصولها بساعة".